Месяц: Апрель 2023

Бүгүн Чочу администрацията( баһылык Догоюсов П.А.) уонна «Үрүҥ Уолан»СК ( дир. Томскай Р.А.) коллективтара нэһилиэкпит биир убаастанар киһитигэр, үлэ ветераныгар Томская Людмила Семёновна дьиэтин кэйимин хаарын ыраастаатыбыт. Людмила Семеновна субботник кыттыылаахтарын сылаас алаадьынан, итии чэйинэн күндүлээн махталын биллэрдэ.

Сарсыарда 9 чаастан саҕалаан Чочу-Кыадаҥда автопробег кыттыылаахтара Саха сирин биир чулуу политическай деятелин Г. И. Чиряев бюһугар тиийэн сибэкки дьөрбөтүн ууран, улуус главатын бастакы солбуйааччыта И.Евсеев, «Саха сирэ» хаһыат сүрүн редактора Ч.Н. Гаврильев, нэһилиэк баһылыга П.А. Догоюсов бүгүҥҥү үөрүүлээх тэрээһин саха омукка үрдүк суолтатын ыйан туран уохтаах-төлөннөөх эҕэрдэлэрин истэн өрө көтөҕүллэн, астынан кэллилэр. Онтон күнүс 15:00 чаастан Чочуга «Үрүҥ Уолан»СК-гэр мустубут дьон бары биир ыал курдук бырааһынньыктааҕы улахан торду амсайан баран сахалыы оһуокайбытын тардан кэбистибит. Бүгүҥҥү тэрээһиннэргэ кыттыбыт дьон бука бары астынан, үөрэн-көтөн тарҕастыбыт. Саха омук аата үйэлэргэ ааттана турдун!