Месяц: Октябрь 2023

Барыта үчүгэй баҕайытык таҥыллан ыытыллыбыт буолан күрэхпит олус истиҥник ааста. Сорох түөлбэлэртэн кыттааччы суоҕа күрэхтэһии тыҥааһынын сыппатта эрээри кыттааччыларбыт күрэххэ толору бэлэмнэрэ ону биллэрбэтэ .

Түмүккэ, бастакы миэстэни Кыадаҥдаттан Ангелия уонна Айыына Максимовалар, иккис миэстэни Дуняша уонна Серафима Егоровалар, үһүс миэстэни Сандаара уонна Анастасия Гаврильевалар ылан тэрийээччилэр туруорбут сыаналаах бириистэринэн, көрөөччүлэр көхтөөх ытыстарын тыаһынан бүгүҥҥү бэйэлэрин киэһэлэрин киэргэттилэр. Кыттааччыларбытын ис-сүрэхтэн барыларын эҕэрдэлиибит уонна махтанабыт!

Биһиги, чочулар, ол тэрээһиҥҥэ эмиэ кыттынныбыт.Саҥа суол көбүс-көнөтүк тыргыллан, икки өттүнэн сып-сырдык уотунан сырдатыллан кырдьаҕас Бүлүүбүтүн тупсаҕай көрүҥнээбитин дьон-сэргэ астына бэлиэтээтэ. Суол-сайдыыны аҕалар аартык буоларын ыйан туран улууспут суола-ииһэ тупсарын туһугар өссө да үп -харчы көрүллэ, үлэ-хамнас күөстүү оргуйа турдун диэн баҕа санаабытын этэбит.(Леонид Менкяров хаартыскаҕа түһэриитэ)

Бүгүҥҥү быыстапка уонна маастар-кылаастар олус тахсыылаахтык аастылар. Сэргээн кэлбит ийэлэр, оскуола оҕолоро илиинэн оҥоһук кистэлэҥнэриттэн элбэҕи биллилэр, бэйэлэригэр элбэҕи иҥэриннилэр.

Маастардарбытыгар барҕа махталы кытта инники үлэлэригэр өссө үрдүк ситиһиилэри, киэҥ кирбиилэри ис-сүрэхтэн баҕарабыт!

Бүгүн биһиги нэһилиэк оҕолоругар анаан «Үрүҥ Уолан» СК-гэр 3D голографическай шоу буолан ааста. Кэлбит оҕолор астынан үөрэн-көтөн тарҕастылар.

Бүгүн «Үрүҥ Уолан» СК-гэр Аҕам саастаахтар декадаларын чэрчитинэн ыытыллыбыт бэртээхэй тэрээһин буолан ааста.

Икки нэһилиэк аҕам саастаахтара көрсөн үөрэ-көтө кэпсэтэн-сэһэргэһэн, оонньоон-көрүлээн, ыллаан-туойан олус сэргэхсийдилэр, өрө көтөҕөлүннүлэр.