Олунньу 6 күнүгэр “Үрүҥ Уолан” сынньалаҥ киинигэр киэһэ 7 чаастан, Арассыыйаҕа норуот сомоҕолоһуута, Саха Өрөспүүбүлүкэтигэр култуура, Бүлүү улууһугар утум уонна үүнүү- сайдыы, Чочу нэһилиэгэр сомоҕолоһуу сылларын арыйыы тэрээһинэ буолан ааста. 2026 сылы нэһилиэк баһылыга Прокопьев Н.М. уурааҕынан сомоҕолоһуу сылынан биллэрбитэ. Бу үөрүүлээх быһыыга – майгыга сылбыт эмбилиэмэтин, “Чочу нэһилиэгэ” Тыа сирин түөлбэтин баһылыга Прокопьев Николай Мартович, нэһилиэк депутата Догоюсов Григорий Игорьевич уонна Чочутааҕы И.М.Гоголев аатынан орто оскуола 9 кылааһын туйгун үөрэнээччитэ Андреева Валерия буолан таһаардылар.
Маны таһынан Бүлүү уонна Үөһээ Бүлүү оройуонун ОВО начальнига, Байыаннай дьайыы бэтэрээннэрин сэбиэтин бэрэссэдээтэлэ, полиция подполковнига Константинов А.Н. “Матери защитника отечества” мэтээллэри Кыадаҥда уонна Чочу нэһилиэгин байыастарын ийэлэригэр туттаран, дьон уйулҕатын хамсатта. Нэһилиэкпит биир түмсүүлээҕин көрдөрөн бары көхтөөхтүк эҕэрдэ кэнсиэрт туруоран, нэһилиэкпит үбүлүөйдээх 255 сылынан уонна быйылгы биллэриллибит сомоҕолоһуу сылынан эҕэрдэлээн туран, минньигэс тордунан бар дьоммутун күндүлээн түмүктээтибит.
Урун Уолан
Добавить комментарий