ИЙЭ ТЫЛ, СУРУК-БИЧИК КҮНЭ

Бугун Чочу нэһилиэгэр олунньу ый 13 кунугэр «Урун Уолан» сынньалан киинигэр «Ийэ тыл, сурук-бичик» кунун уеруулээх тэрээьинэ буолан ааста.
Тэрээһиҥҥэ Саха ереспуубулукэтин норуодунай бэйиэтэ И.М. Гоголев – Кындыл кэпсээниттэн быьа тардан дьыктаан суруйдубут, викториналаан онньоон-керулээн да ыллыбыт, олохтоох ааптардарбыт Ольга Владимировна Винокурова – Саймаара уонна Буслаева Мария Михайловна – Сыралта кыыьа суруйбут хоьооннорун «Ыллык» хоьоон аа5ааччылар тумсуу кыттаачылара аа5ан сургэбитин кетехтулэр, дууьабытын кэрэхсэттилэр. Олохтоох библиотекабыт Гелена Александровна Степанова салайааччылаах кинигэ быыстапката туруорда.
Мария Михайловна – Сыралта кыыьа бугуҥҥу норуоппут бырааьынньыгар анаан буруолуу сылдьар “Тереебут тылым” хоьоонун а5алан аахтаран керееччулэрбит, аа5ааччыларбыт иннигэр эьиэхэ таьаарабыт.

Төрөөбүт тылым.

Төрөөбүт тылым — саха тыла
Түөрэҕим түспүт күнүттэн.
Сахам балаҕанын көмүлүөк оһоҕор
Сыраллан улааппыт кэммиттэн.

Минньгэстик кэпсэтэр сахалыы
Миигин тулалыыр эйгэм.
Аар хатыҥым суугунуур сахалыы
Сипсиһэр саймаархай салгынныын.

Көҕөрөр халлаантан күөрэгэй тойуга
Кутулларга дылы сахалыы.
Хонууга дайар лыахтар Ыҥыраллар миигин сахалыы.

Сайылык намыын ырыата ,
Сайыҥҥы нуурал
киэһэтэ.
Туймаардар мүөттээх салгына
Такайбыт курдук сахалыы .

Санаабын сайа этэбин
Сахалыы төрөөбүт тылбынан.
Иэйиибин тиһэбин сахалыы
Иҥэриммит ийэ тылбынан.

Сыралта Кыыһа